Ellaam Yesuve Enakkellaam | எல்லாம் யேசுவே எனக்கெல்லாம்

பல்லவி
எல்லாம் யேசுவே எனக்கெல்லாம் யேசுவே
தொல்லை மிகு மிவ்வுலகில் எல்லாம் யேசுவே

சரணங்கள்
ஆயனும் சகாயனும் நேயனுமுபாயனும்
நாயனும் எனக்கன்பான ஞானமணவாளனும்

தந்தை தாயினம் ஜனம் பந்துள்ளோர் சிநேகிதர்
சந்தோட சகலயோக சம்பூரண பாக்யமும்

கவலையிலாறுதலும் கங்குலிலென் ஜோதியும்
கஷ்ட நோயப் படுக்கையிலே கை கண்ட ஔஷதமும்

போதகப் பிதாவுமென் போக்கினில் வரத்தினில்
ஆதரவு செய்திடுங் கூட்டாளியுமென் தோழனும்

அணியு மாபரணமும் ஆஸ்தியும் சம்பாத்தியமும்
பிணையாளியும் மீட்பருமென் பிரிய மத்தியஸ்தனும்

ஆன ஜீவ அப்பமும் ஆவலுமென் காவலும்
ஞான கீதமும் சதுரும் நாட்டமும் கொண்டாட்டமும்

Close Menu
error: Content is protected !!