En Naesar Yaesuvin | என் நேசர் ஏசுவின்

என் நேசர் ஏசுவின் மேல் சாய்ந்தே
துன்ப வனாந்திரத்தில் நடந்திட
இன்ப நல் வாழ்வடைந்தேன்

லீலி புஷ்பம் சாரோனின் ரோஜா
பாலிலும் வெண்மை தூயப்பிதா
பூரண ரூப சௌந்தரியமே
பேர் சிறந்த இறைவா – என் நேசர்

கன்னியர்கள் நேசிக்கும் தேவா
கர்த்தரின் நாமம் பரிமளமே
ஏசுவின் பின்னே ஓடி வந்தோம்
என்னையும் இழுத்துக் கொண்டார் – என் நேசர்

நேசக் கொடிமேல் பறந்தோங்க
நேசர் பிரசன்னம் வந்திறங்க
கிச்சிலி மரத்தின் கீழ் அடைந்தேன்
கர்த்தரின் ஆறுதலே – என் நேசர்

தென்றலே வா வாடையே எழும்பு
தூதாயீம் நற்கனி தூயருக்கே
வெளி அடைத்த தோட்டமிதே
வந்திங்கு லாவுகிறார் – என் நேசர்

நாட்டினிலே பூங்கனி காலம்
காட்டுப் புறாவின் பாட்டொலிக்கும்
கன்மலை சிகரம் என் மறைவே
இந்நேரமே அழைத்தார் – என் நேசர்

நித்திரையே செய்திடும் இராவில்
நித்தம் என் ஆத்துமா நல் விழிப்பே
என் கதவருகே நின்றழைத்த
ஏசுவை நேசிக்கின்றேன் – என் நேசர்

நேசத்தழல் ஏசுவின் அன்பே
நேசம் மரணம் போல் வலிதே
வெள்ளங்கள் திரண்ட தண்ணீர்களால்
உள்ளம் அணைந்திடாதே – என் நேசர்

தூப ஸ்தம்பம் போலவே எழும்பி
தேவ குமாரன் வந்திடுவார்
அம்மினதாபின் இரதம் போல
அன்று பறந்து செல்வேன் – என் நேசர்

Close Menu
error: Content is protected !!