Karththar yaesu Varuvaar | கர்த்தர் ஏசு வருவார்

கர்த்தர் ஏசு வருவார் – நித்தம்
காத்துத் தவிக்கும் தேவ புத்திரர்
களிப்பாய் வானத்தில் சேர்ந்திடவே

மேகத்தில் தோன்றும் மின்னொளியில்
மகிமைக் கிறிஸ்து வெளிப்படுவார்
தூதர் தொனி ஆரவாரத்துடன்
தேவ எக்காளம் முழங்கிடுமே – கர்த்தர்

ஆண்டவர் அழைத்த முதற் பலன்கள்
அமரர் வடிவாய் மாறிடுவோம்
கர்த்தருக்குள் மரித்தோர் எழும்ப
பக்தர்களோடு பறந்திடுவோம் – கர்த்தர்

தம் மணவாட்டி ஆயத்தமே
துதியே செலுத்தி மகிழ்ந்திடவே
நீதி விளங்கும் நல் வெண்வஸ்திரம்
ஜோதி இலங்கத் தரித்திடுவாள் – கர்த்தர்

நூதன சாலேம் வந்திறங்கும்
நடுவான மீதில் அலங்கரிப்பாய்
ஆட்டுக்குட்டியானவர் விருந்தே
அன்று சந்தோஷ சுப மங்களம் – கர்த்தர்

வெண் குதிரைமேல் ஏறிவந்தே
கண்கள் நெருப்பாய் மிக ஜொலித்தே
உண்மையும் சத்தியம் நிறைந்தே
விண்மணவாளன் ஜெயமெடுப்பார் – கர்த்தர்

Close Menu
error: Content is protected !!