Visuvaasame Nam Jeyame | விசுவாசமே நம் ஜெயமே

Loading

பல்லவி
விசுவாசமே நம் ஜெயமே
விலைமதியாதோர் நல பொக்கிஷமே

அனுபல்லவி
விசுவாசமாம் கேடகம் தாங்கி
விசுவாச பாதையில் முன்னேறுவோம்

சரணங்கள்
மலைபோன்ற துன்பங்கள் நெருங்கிடினும்
மலையாதே யாவும் அகன்றிடுமே
வியாதி வருத்தம் போராட்டம் வந்தும்
விசுவாசத்தால் நாமும் ஜெயமடைவோம்

எரிகோவின் மதில்கள் தகர்ந்திடவே
ஏகிச் சென்றான் பக்தன் யோசுவாவும்
விசுவாசத்தாலே முன்னேறியே நாம்
வல்லவர் பெலத்தால் வென்றிடுவோம்

விசுவாசம் காத்திட தம் ஜீவனை
விசுவாச வீரர்கள் இழந்தனரே
நல்ல போராட்டம் போராடியே நாம்
விசுவாசத்தை என்றும் காத்துக் கொள்வோம்

விசுவாச நம்பிக்கை அறிக்கையிலும்
திடமான மனதுடன் நிலைத்திருப்போம்
வாக்கு மாறாத கர்த்தரை நிதமும்
விசுவாசத்தோடு நாம் பின்செல்லுவோம்

பாவங்கள் பாரங்கள் அகற்றிடவே நாம்
பரிசுத்தர் சிந்தையை அணிந்திடுவோம்
இயேசுவை நோக்கி சீராக ஓடி
விசுவாச ஓட்டத்தை முடித்திடுவோம்

Tags:
error: Content is protected !!
ADS
ADS
ADS